Comments (0) Det var kjekt at Elisabet kom heim til Hareid før ho reiste heim igjen. Eg og Holly gjekk oss ein tur på besøk. Elisabet og typen Ann-Bjørn serverte is og kaffe 
Det var fint ver ute so vi kosa oss ute på plattingen.
Det blir forhåpentlegvis ein tur på besøk hos Elisabet og Ann-Bjørn i starten av august. Planen er å stikke innom på veien til Trondheim for å besøke folk der! Det blir kjekt
Foto: mango.com
Endeleg har eg funne veska eg har vore på leit etter lenge! Den vart kjøpt på nettbutikken til Mango.
Den skulle vere svart, ha reim til å ha over skuldra, ha glidelås og vere stor nok til macen min. Då storesystra mi Mari kom heim til foreldra mine ei helg såg eg veska hinna ligge ne på gulvet. Eg tok ein kikk på den og fann ut at det var akkurat ei slik veske eg var ute etter Eg spurte om ho nettopp hadde kjøpt den. Ja, svarte ho. I Berlin. Heldigvis har butikken ein nettbutikk og der fann eg veska. Prisen var også heilt ok, kr 399 inkl. frakt.
Livet er vanskeleg.
No har det gått to år sidan eg var ferdig utdanna og eg har fortsatt ikkje fått meg nokon fast jobb. Det begynde å ta på. Eg har vore i praksis i 2 1/2 mnd no og det har vore kjekt. Dessverre har dei ikkje økonomi til å gi meg sommarjobb eller ein vanleg jobb. Dermed er siste dagen min i praksis i morga dersom eg ikkje fortsette etter sommarferien. Det er litt trist det også.
Motivasjonen min angåande mulegheitane mine i arbeidslivet begynde å dale nedover og eg er oppgitt. Det er også andre ting i livet mitt som gjer at eg følar meg ganske so nedstemt.
Eg visste på førehand at eg lite sannsynleg kom til å få meg jobb der eg er i praksis, men eg hadde eit lite håp. Etter sommarferien kan eg fortsette i praksis her, men eg tenke på om det er nokon vits å fortsette å ha praksis når det neppe vil føre til at eg får ein fast jobb nokon stad. Her er veldig få jobbar innan web og sjansen er større om ein har kunnskap innan programmering. Eg vurderar å gå hardt inn for å lære meg eit relevant programmeringsspråk og satse på å få meir kunnskap innan web. Det negative er at her er så få firma som driv på med det her i nærområdet. Å reise 1 time til og frå jobb er litt longt syns eg.
Eg har i tankane å ta eit nettstudie innan 3d design, men sidan det tar eit år og kostar ein del er eg usikker. Det er ikkje sikkert eg blir flink i det heller, so å bruke mykje peng på noko som eg kanskje ikkje kjem til å jobbe med er eit vanskeleg val. Det hadde vore betre om eg gjekk på ein skule med eit godt studiemiljø rundt meg, for då kunne eg ha fått støtte og inspirasjon der ifrå. Om eg blir sittande heime for meg sjølv har eg ingen å støtte meg til eller dele mi interesse med.
Far min seiar eg kan begynde å jobbe for han om eg vil det. Det vil sei sal av markiser/persienner der eg fær heim til kunden og tar mål. Det er ikkje akkurat noko eg vil trivast med i lengda og då får eg heller ikkje brukt utdanninga mi til noko. Dersom eg begynde å jobbe for han, følar eg at eg ikkje kjem meg nokon vei.
Fredag på dagtid var eg i begravelsen til bestefar. Det var ein fin begravelse, med masse slekt og hyggelege minneord.
På kvelden for eg på kaffibaren at med Sara og nokre av veninnane hennar. Det var kjekt:) Vi kosa oss og snakka om bryllaupet til Sara, jobb, studie, folk og generelt om framtida. Eg bestilte meg ein veldig god kylling og baconsalat m/ brød til. Det heile vart enda bedre med ei pærecider til. Mmm.
Laurdag, på dagtid, for eg og Solveig ein tur til vik for å shoppe. Eg fekk endeleg kjøpt meg nokre finsko som kan brukast litt til vanleg også. Skoa kosta no kr. 299 istaden for kr. 499, so eg er glad eg valgte å ikkje kjøpe dei sist eg prøvde dei:)
Laurdagskvelden var vi på bursdagfest hos Terje, broren til Vidar. Det var for det meste ein kjekk fest. Eg sat å prata med Solveig første delen av kvelden. Eg fekk sann lyst til å danse, men ingen ville det utanom ei. Vi tok oss ein swing på gulvet, men sidan ingen kunne å føre vart det med den eine dansen, hehe. Eg ville gjerne høyre på RnB, men det vart visst ikkje godt mottatt. Seinare på kvelden oppsto det ein situasjon som førte til at eg og Vidar hadde ein utriveleg diskusjon. Den har vi hatt eit par gongar, men vi kjem ingen vei og det blir dermed berre liggande i “dvale” til seinare. Vi er ganske so ulike av oss på monge punkt og dermed er det ikkje so lett.
Søndag kveld bestilte vi oss cheeseburgermeny og såg Heros:)
I dag for eg og Holly på jonsokfeiring i Eliasgarden. Vi rakk ikkje å kome til prgrammet som begynte 17.30 sidan eg kom heim kl. 17, men vi kom til grillinga. Foreldra mine vart også med. Det er tradisjon for oss å feire jonsok i Eliasgarden. Folk blir oppfordra til å kle seg ut. Barna i området opptrer med forskjellege programinnslag i Eliasløa og det blir ete god mat. “Brudeparet” blir vigd og deretter kjem bålbrenning etterfylgt at grilling. I år var de talt heile 80 personar som tok turen for å sjå på programinnslaga til barna:) Eg begynte å grille kl. 19.30 og for heim kl. 21.15. Veret var fint, men det vart litt kaldt etterkvart sidan sola ikkje nådde fram dit vi sat.
Foto: piaulin.com
Denne teksta kan eg godt tenke meg å ha over sofaen eller på ein vegg på stova. Foto er tatt av Pia Ulin.
Her er inspirasjon til vaskerommet.
Huskar ikkje kor eg fann bildet
Foto: designa.dk/no
Disse løysingane kan eg godt tenke meg. Praktiske og veldig fine.
Foto: delikatissen.com
Ei enkel løysing dersom det blir for dyrt med skap er å male rommet i ein knæsj farge og ha ein gjennomført stil. Det er litt meir rotete, men friskare:)
Her kjem det bilder til inspirasjon fram til vi forhåpentlegvis får bygge oss hus ein gong. Det er ikkje lett å få seg ei tomt med utsikt og litt flate der vi vil bygge.
Foto: designa.dk/no
Dette er den kjøkkenløysinga som passar meg best sidan eg treng mykje skap og benkeplass Eg vil ha kjøkkenøy, men eg kan gå med på å ha øya inn mot veggen dersom det skulle bli behov for det. Det som er problemet er om rommet blir for kort til å ha denne løysinga.
Den løysinga på bildet er nesten slik eg vil ha mitt kjøkken. Forskjellen er at vi skal ha:
Eg tenkjar kanskje at kjøkkenskap og fryseskap blir slik som den på bildet over, men med berre ei heil dør. Med å ha skap over kjøleskapet slepp ein alt fettet og støvet som legg seg oppå skapet:) og får ekstra lagringsplass.
Foto: andreasohelene.blogspot.com
Eg kan tenkje meg slik overskap som er på bildet over. Bildet tilhøyrer bloggen andreasohelene.blogspot.com.
Foto: designa.dk/no
Dette er ei av kjøkkenløysinga eg ser på dersom rommet blir for lite for den som er på det øverste bildet. Det blir so klart steikeplate på “kjøkkenøya” her også:) Det er eit must sidan eg vil kunne sjå på tv frå kjøkkenet Fargen på gulvet er omtrent den eg vil ha på parketten dersom det ikkje blir flisaktig gulv eller gummi.
Overskap på kjøkkenet er eit vanskeleg. Planen er å ha slike lave (ikkje høge) skap, men det blir so fort støv og fett oppå. Dermed er det kanskje best å berre droppe overskap, men igjen blir det so mykje mindre plass til kjøkkenutstyr. Eg kjem til å ha eit stort smalt vindu over den lange kjøkkenbenken som er inntil veggen, so det blir kanskje ikkje plass til skaphyller der.
Her er idear til overskap:
Foto: designa.dk/no
Det hadde vore kult å hatt grønne overskap plassert slikt på kjøkkenet:), men eg ville gått for dei i kvitt og heller hatt på nokon wallstickers slik eg kunne endre utrykk etter behov.
Eg likar godt dinne typen overskap.
Foto: finn.no
Ei mulegheit er å ha nokre høge overskap med lave overskap over. Eg syns denne løysinga var fin, men det gjor kjøkkenet mindre luftig.
Open kjøkken/stove-løysing
Slik vil eg gjerne ha det:) Kanskje med ei liten vegg m/peisovn mellom stova og spisebordet?
Her kjem eg til å legge inn bilder for inspirasjon fram til vi skal forhåpentleg få bygge hus ein gong.
Huskar dessverre ikkje kor eg fann bildet.
Ei slik romløysing kan eg godt tenke meg!:), men eg trur nok vi ikkje får eit so stort bad.
Foto: byggma.no
Hos byggma.no fann eg dette bildet. Eg syns det var eit stilig lite bad, men igjen trur eg at eg hadde fort vorte lei den oransje fargen. Badeveggen min må nok ha ein nøytral farge med kanskje nokre wallstickers på og piffast opp med noko fargerikt interiør.
Eg og Vidar fekk ei fine blomsterplante av foreldra has Vidar som kondolering for bestefaren min.
Den kjem sikkert til å få meg til å tenke på bestefar.
Design: Ellen`s vrimmel med utgangspunkt i Panorama Theme by 
Themocracy
