12. august, 2010
Ja, no har eg begynt å tenke igjen på å ta ei grafisk design utdanning, men då må eg flytte, bo vekke i to år og bruke mykje pengar på den utdannelsen. Vidar syns det er dumt og han har heller ikkje lyst til å slutte i jobben han har no. Han vil evt. kome flyttande etter 6-8 mnd.
Einaste sjansen for at eg ikkje begynde på studiet er igrunnen at eg får meg jobb i eit av dei to designfirmaane her i området og den sjansen er liten sidan eg manglar ein del kompetanse. Livet hadde vorte mykje lettare om eg fekk meg ein jobb her, men slik eg ser det kan eg ikkje fortsette å vente på at ein jobb skal dukke opp. Det dumme er at det ikkje er sikkert at eg får meg jobb etter endt utdanning og då er eg tilbake der eg har vore lenge: utan jobbmulegheiter innan det eg likar å holde på med.
OPPDATERING: Då har eg etter mykje tenkning og prat med Vidar, Solveig og foreldra mine bestemt meg for å satse på nettstudie i 1 år, so får eg sjå kva det føre til. Det vart for monge ulempe med at eg flytta dette året. Om eg ikkje får jobb etter nettstudiet må eg kanskje gå enda eit nettstudie, men får sjå om eg klare 1 år i første omgang. Om eg ikkje klare eit år til kan eg vurdere grafisk design igjen, men eg trur ikkje det vil skje sidan eg då allereide har brukt eit år på noko som ikkje førte til noko. Eg er vertfall veldig spent på kva dette året vil føre med seg!
29. juni, 2010
Livet er vanskeleg.
No har det gått to år sidan eg var ferdig utdanna og eg har fortsatt ikkje fått meg nokon fast jobb. Det begynde å ta på. Eg har vore i praksis i 2 1/2 mnd no og det har vore kjekt. Dessverre har dei ikkje økonomi til å gi meg sommarjobb eller ein vanleg jobb. Dermed er siste dagen min i praksis i morga dersom eg ikkje fortsette etter sommarferien. Det er litt trist det også.
Motivasjonen min angåande mulegheitane mine i arbeidslivet begynde å dale nedover og eg er oppgitt. Det er også andre ting i livet mitt som gjer at eg følar meg ganske so nedstemt.
Eg visste på førehand at eg lite sannsynleg kom til å få meg jobb der eg er i praksis, men eg hadde eit lite håp. Etter sommarferien kan eg fortsette i praksis her, men eg tenke på om det er nokon vits å fortsette å ha praksis når det neppe vil føre til at eg får ein fast jobb nokon stad. Her er veldig få jobbar innan web og sjansen er større om ein har kunnskap innan programmering. Eg vurderar å gå hardt inn for å lære meg eit relevant programmeringsspråk og satse på å få meir kunnskap innan web. Det negative er at her er så få firma som driv på med det her i nærområdet. Å reise 1 time til og frå jobb er litt longt syns eg.
Eg har i tankane å ta eit nettstudie innan 3d design, men sidan det tar eit år og kostar ein del er eg usikker. Det er ikkje sikkert eg blir flink i det heller, so å bruke mykje peng på noko som eg kanskje ikkje kjem til å jobbe med er eit vanskeleg val. Det hadde vore betre om eg gjekk på ein skule med eit godt studiemiljø rundt meg, for då kunne eg ha fått støtte og inspirasjon der ifrå. Om eg blir sittande heime for meg sjølv har eg ingen å støtte meg til eller dele mi interesse med.
Far min seiar eg kan begynde å jobbe for han om eg vil det. Det vil sei sal av markiser/persienner der eg fær heim til kunden og tar mål. Det er ikkje akkurat noko eg vil trivast med i lengda og då får eg heller ikkje brukt utdanninga mi til noko. Dersom eg begynde å jobbe for han, følar eg at eg ikkje kjem meg nokon vei.
10. juni, 2010
I dag var eg på jobbintervju angåande ei stilling som teknisk kundekonsulent. Eg har allereide vore på eit intervju hos eit bemanningsbyrå angåande stillinga for å finne ut om eg kunne vere aktuell.
Interjvuet gjekk ganske bra. Det er alltid vanskeleg å vete kor bra det gjekk og om ein blir valt sidan der er fleire aktuelle kandidatar.
Etter intervjuet for eg ein tur innom kjøpesenteret for å sjå om eg fann meg nokre sommarlege sko. Det gjor eg på Økonomi sko:)
10. juni, 2010
Eg vart småforkjøla på mandag. Fekk sår hals og vart snufsete.
På tirsdag kveld kjente eg at forma ikkje var spesielt bra. Onsdag morgen valte eg å ikkje fare i praksis. Eg var frostig, stiv i muskelaturen og forkjøla. Det kjentes ut som forstadiumet til feber, men feberrmålaren viste berre 37,5. For meg er det meir enn vanleg da sidan det normalt ligg mellom 35,5 – 36,5 grader. Dagen brukte eg på å sove og sjå på tv. Då eg la meg målte temperaturen 35,5 grader.
Eg valte å bli heime i dag også. Det er best å kome i form igjen før eg fær i praksis. Det dumme er at eg skulle helst ha vore i praksis sidan eg det var ein del eg skulle ha fått gjort:/ Eg er fortsatt litt tung i hovudet og småsliten. Temperaturen min var 36,5 grader i dagtidleg. Då hadde eg dusja, var god og varm:)
2. juni, 2010
På praksis i dag var det møte om nettsida til skulen og vi fekk servert brownies 
Mmm, browniesen var veldig god. Den var fastare enn den vi brukar å lage av ein pose kjøpt på butikken, so eg lurar litt på kva type det er: heimelaga eller frå pose på butikken?
Etter møtet var det eit nytt møte om utforming av brosjyra og nettsida til forskingsdagane i år.
Eg syns det er veldig kjekt å få vere med på slike ting som interesserar meg og vere blant folk som har same interesse som meg Ingen i familie og vennekretsen min har interesse for web/marknadsføring/prosjektarbeid osv. :/ So det er supert å vere i praksi der dei jobbar med slikt:)
11. mai, 2010
Dei to siste dagane har vore veldig kjekke og lærerike
I dag jobba eg på Informasjonskontoret. Eg har sett på nettsida til høgskulen og kom med forslag til nokre forbedringar. Etterkvart begynte eg og Eirik (vevdesignaren) å forandre på nyheitsarkiv-funksjonen. Den trengte ein del endringar. Sidan eg ikkje har noko erfaring med PHP og MySQL sat vi saman å arbeida med den oppgåva. Eirik forklarte litt underveis og eg spurte om det var noko eg lurte på. Eg lærte ein del og fekk svar på noko av det eg har lurt på ei stund når det gjeld oppsett av og henting av informasjon inn i ei side Dessverre vart vi ikkje ferdige med nyheitsarkiv-funksjonen før eg skulle ta bussen heim, kanskje vi kan fortsette i morga. Dinne typen arbeid er slikt eg kan site å fikle med heile dagar og til eg er ferdig/har fått det til.
I går var det nokre kunstverk som skulle fotograferast på det nye bygget ved høgskulen. Sidan eg ikkje hadde noko å gjere på IT-avdelinga blei eg med Eirik og hjalp han å bere stativet. Eg lærte om bruk av manuelle innstillingar og fekk prøve å fotografere med stativ:) Det var kjekt å få prøve og lære noko nytt. Eg har lest litt om manuell bruk av digitalkamera tidlegare, men sidan eg ikkje har prøvd det ut har eg gløymt det meste om det.
7. mai, 2010
Då eg henta meg ein Espresso choch på lunsjrommet i dag tidleg kom det inn to damer. Eine dama stilte seg bak meg i kø og sa: Den er eigentleg til tilsette, ikkje studentar. Eg sa at eg er praksiskandidat. Dama svarte at vi lærarar betalar for å få bruke den. Og slik eg forsto det meinte ho visst at eg er ikkje har rett til å bruke kaffeautomaten når eg har praksisplass her.
Det er da litt rart at ho kommenterte at den er berre til tilsette, korleis kan ho vete om eg ikkje er tilsett? Ser eg ut som ein student, ikkje tilsett? Er det forskjell på utsjåanden til ein tilsett og ein student?
7. mai, 2010
Eg var på jobbintervju i dag. Det gjald ei stilling innan teknisk drift av applikasjonslaget på ERP-system.
Intervjuet gjekk sann passe bra. Eg vart spurt ganske få spørsmål. Mesteparten av intervjuet gjekk med på at eine intervjuaren forklarte kva jobben ville gå ut på. Det er fire personar som har vore innkalt på intervju og vi får tilbakemelding neste veke. (Oppdatering: Etter ei god del veke fekk eg mail om at eg ville høyre frå dei etter sommarferien dersom eg fortsatt er interessert. )
Etter intervjuet for eg på shopping. På Airport kjøpte eg meg: ei kvit long skjorte, ein vanleg svart singlet, ein svart kjole med kvite prikkar (er litt spesiell, kan hende den blir brukt) og ein svart genser. Eg for innom Traktøren (kjøkkenutstyrbutikk) og der var det mykje eg kunne tenke meg, men eg endte opp med å kjøpe to kjøkkenhanddukar (ein svart med kvite avlonge “rundingar” og ein med sterke mørkegrønn farge) som kjem skal sprite opp kjøkkenet litt. I tillegg kjøpte eg ei ispinneboks slik eg kan lage ispinnar heime og ei turkis barnekjevle som kan brukast til å kjevle ut pizzadeiga når den har komt opp på steikebrettet. Eg hadde visst ei barnekjevle i tre frå før av, men det får so vere (den har eg frå då eg var lita).
Kjole frå Airport
21. april, 2010
I dag var eg på jobbintervju. Eg syns det gjekk bra. Intervjuarane (2 stk) var hyggelege og humoristiske so det var berre kjekt å vere der:) Eg vart spurt litt andre spørsmål enn eg har vore vant med å få på intervju, men eg trur eg svarte bra på dei.
Hovudintervjuaren nemnte at eg mangla nokre kvalifikasjonar for å nå heilt opp til å utfylle arbeidsoppgåvane stillinga har, men eg fekk ikkje vete kva han sikta til. Eg håper det ikkje gjer so mykje og at utdanninga, interesse og læreevna mi teller meir:) Dei fekk ikkje so monge søkjarar som dei hadde håpt på, so det er muleg dei utlysar stillinga igjen slik at dei har fleire kandidatar som kan samanliknast. Svaret skulle eg få innan nokre dagar.
19. april, 2010
I dag var min første praksisdag. Eg skal vere på IT-avdelinga man-ons og på Informasjonskontoret tors-fre i starten. Om dei treng meg på eine plassen kan eg vere der litt meir. Etterkvart skal eg sjå ann kva som interesserar meg mest å jobbe med og kva eg får mest nytta av å ha på CV-en i forhold til jobbsøking. Eg trur dette blir ei veldig interessant periode:) Dei ansatte der virkar som dei gjerne vil lære vekk og få hjelp til å få unnagjort oppgåver.
Vidar er på prøvetur med båten dei har holdt på med på jobben. Han for på laurdag og det var uvisst kor lenge prøveturen tok. I dag sa Vidar at han ikkje kjem heim før onsdag og mulegens blir det ikkje før på fredag. Litt kjipt det da:/ Eg hadde håpt at vi kunne fare på kino på torsdag og sjå Alice i Eventyrland (det var det eg forslo skulle vere bursdagsgåva mi).
Comments (0) 
Themocracy